Skilmálar og endurgreiðslur

Miðar og skráning á viðburði Keflavíkur, íþrótta- og ungmennafélags, og deilda þess eru seldir á þessari síðu. Deildin sem heldur viðburðinn er seljandi og ber ábyrgð á honum. Greiðslur fara fram í gegnum greiðsluþjónustu Teya.

• Skráning tekur ekki frá sæti. Sætið er tryggt þegar greiðsla hefur borist. Á meðan greitt er hjá Teya er sætunum haldið í stuttan tíma.
• Hver kennitala getur aðeins átt eitt sæti á hverjum viðburði. Kaupandi auðkennir sig með rafrænum skilríkjum.
• Kvittun og miðar berast á netfangið sem gefið er upp. Miðinn er einnig aðgengilegur á síðunni eftir kaup.
• Sá sem greiðir fyrir hóp ber ábyrgð á að upplýsingar um gestina séu réttar.

Samkvæmt lögum um neytendasamninga gildir 14 daga réttur til að falla frá samningi ekki um þjónustu tengda tómstundastarfi sem veitt er á tilteknum degi, svo sem miða á viðburði. Kaup á miðum eru því bindandi, nema annað komi fram hér að neðan.

• Ef viðburði er aflýst er miðaverð endurgreitt að fullu, ásamt aukavörum sem keyptar voru með.
• Ef viðburði er frestað gildir miðinn á nýja dagsetningu. Henti hún ekki má óska eftir endurgreiðslu innan 14 daga frá því að ný dagsetning er tilkynnt.
• Ef þú kemst ekki er ekki hægt að afbóka á síðunni. Hafðu samband við skipuleggjendur; þeir meta hvert tilvik, til dæmis ef hægt er að selja sætið aftur. Einnig má flytja miðann á annan (sjá 5. lið).
• Endurgreiðsla fer á kortið sem greitt var með, í gegnum Teya. Það getur tekið nokkra virka daga fyrir upphæðina að birtast á kortinu. Þegar miði er endurgreiddur losnar sætið og fer aftur í sölu.

Miðinn er skráður á kennitölu. Viljir þú láta annan fá miðann þinn skaltu hafa samband við skipuleggjendur, sem skrá nýja manneskju á sætið. Ekki er heimilt að endurselja miða á hærra verði.

Á viðburðum með borðhaldi raða skipuleggjendur gestum til borðs og reyna að hafa hvern hóp saman. Óskir um sæti eru teknar til greina eftir því sem hægt er, en sætaskipan er ekki tryggð fyrr en hún hefur verið birt.

Nafn, kennitala og samskiptaupplýsingar eru notaðar til að halda utan um skráningu, greiðslur og sætaskipan og til að senda kvittun og miða. Upplýsingunum er ekki deilt með öðrum en greiðsluþjónustu og eru ekki notaðar í öðrum tilgangi.

Spurningar um kaup, endurgreiðslur eða flutning miða skal senda á netfang skipuleggjenda, sem kemur fram á síðu hvers viðburðar.